ያራ ኩባንያ በኢትዮጵያ በማዳበሪያ ማምረት ላይ ለመሰማራት ፍላጎት አሳይቷል

ህዳር 05፣2009

ጠቅላይ ሚኒስትር ኃይለማርያም ደሳለኝ ከአለም አቀፉ ያራ ኩባንያ ዋና ስራ አስፈፃሚ ቶሬ ሆልሊዘር ጋር ኩባንያው በኢትዮጵያ ሊያከናውናቸው ባሰባቸው ጉዳዮች ላይ ተወያዩ፡፡

ያራ ኩባንያ በማዕድን ቁፋሮና ማዳበሪያ ማምረት ላይ የተሰማራ ነው፡፡

ኩባንያው በአፋር ክልል የሚገኘውን የፖታሽ ማዕድን በመጠቀም የማዳበሪያ ምርት ለማምረት ፍላጐትም አለው፡፡

ከጠቅላይ ሚኒስትር ኃይለማርያም ደሳለኝ ጋር በዚሁ ጉዳይ ላይ ተወያይተዋል፡፡

ጠቅላይ ሚኒስትር ኃይለማርያም ደሳለኝ ሀገሪቱ በምትከተለው ግብርና መር ኢንዱስትሪ የልማት እንቅስቃሴ ላይ ደጋፊ ኢንቨስትመንቶች የግብርናውን ዘርፍ ለማጠናከር ብሎም ዘላቂ ልማትን ለማምጣት እንደሚያስችል ገልፀዋል፡፡